Мазкур жамият Фарғона вилояти Бувайда тумани Деҳқонобод қишлоғида 5-А уйда жойлашган бўлиб, у 2012 йил апрел ойида таъсис этилган. Муассис Улиқов Абдурашид Абдураҳимович. Жамият ISO 901 рақами билан ўз фирма сертификатига ҳамда товар сетификатига эга.
Жамиятда, айни кунда, 9 ишчи фаолият олиб бормоқда. Жамият ўз фаолиятининг илк йилларидаёқ истеъмолчиларни эътиборини қозонишга улгурди. Шунингдек, 2017 йилдан маҳсулотни экспорт қилишни бошлаб юборди. Жамиятда ишлаб чиқарилаётган қурилиш материаллари юртимизнинг иссиқ ёзларида ҳам ўз ҳолатини ўзгартирмайди ва бемалол хориж қурилиш материаллари билан рақобатлаша олади. Маҳсулот тайёр бўлишида хом ашё борасида Туркия ҳамда Россия давлатлари билан ҳамкорликни йўлга қўйганмиз. Ўтган 2017 йилдан бошлаб қўшни Қозоғистон давлатининг Чимкент, Остона шаҳарларига ва қолган МДҲ давлатларига мунтазам экспорт қиляпмиз. Шу кунгача экспорт суммаси 650 миллион сўмдан ортиб кетди. 2018 йилда экспорт ҳажмини 150000 АҚШ доллари миқдорига ошириш кўзда тутилган ва янги иш ўринлари ҳам 4тага ошириш режалаштирилмоқда, жорий йилнинг биринчи ярим йиллигида 165 тоннадан ортиқ маҳсулотлар ишлаб чиқилди ва 220дан ортиқ қурилиш-монтаж ишлари амалга оширилди.
Фарғона вилояти ҳокимлигининг “Кичик саноат зоналарини барпо этиш ва уларнинг фаолиятини ташкил қилиш тартиби тўғрисидаги низомни тасдиқлаш ҳақида”ги қарорига кўра ўтказилган танлов ғолиби бўлиб, туманимиз Бўстонбува МФЙсида жойлашган ҳудуддан бизга ер участкаси ажратилди ва участкада янги корхонамиз қурилишини бошлаш учун тегишли ташкилотлар руҳсатини олганмиз ва янги бино учун янги ускунарга Хитойнинг Шанхай механика заводи билан шартнома тузилиб буюртмалар берилган. Шартнома бўйича 2 ой муддат ичида Хитой тарафи бизга ускуналарни жўнатиши лозим. Ўз ўрнида, шуни таъкидлаш керак, биз тарафдан ускуналар учун тўлиқ пул ўтказмалари амалга оширилган.
